Во пакувана салата пронашле жива жаба, а од зеленилото слушнале: креее!

Дури откако изеле две третини од салатата, ја откриле жабата.

Еден брачен пар биле шокирани кога ја изеле речиси цела салата пакувана во кеса, а потоа меѓу руколата пронашле жива жаба – јавуваат британските медиуми.

Џо Арчер Џој (30) и неговата сопруга Сара Вокер (33) купиле салата од локалната продавница.

Дури откако изеле две третини од руколата пакувана во кеса и откако стоела два дена во фрижидер, откриле дека внатре има жаба.

-Мојата сопруга беше вџашена. Тоа беше прилично голема жаба….која живеела во нашиот фрижидер два дена – изјавил Џо.

Брзо се ослободиле од несаканиот гостин.

-Жабата ја пуштив во градината и таа само си отскокна во тревата. Не изгледаше како да е премногу вознемирена – рекол тој.

Додал и тоа, дека неговата сопруга веќе не јадела салата.