Снег, мраз и бурен ветер предизвикаа проблеми во сообраќајот во Хрватска, а најмногу проблеми во Лика, Горски Котар и на одредени патишта во Истра.

(ФОТО) Снегот, мразот и ветерот направија хаос во Хрватска: затворени многу патишта, ТЕМПЕРАТУРИТЕ ВО ДЛАБОК МИНУС, вклучен црвен метео аларм

Повеќе од 100 камиони од синоќа чекаат на автопатот А6 Риека-Загреб кај Горњи Јелење каде поради зимските услови сообраќајот е дозволен само за патнички возила меѓу Делнице и Киковица.

Затворени се дел од автопатот А1 меѓу населбите Свети Рок и Поседарје, како и Јадранската магистрала меѓу Сењ и Света Марија Магдалена и државниот пат меѓу Масленица и Затон Обровачки.

Дополнително, мостот Паг, кој го поврзува островот Паг со копното, е затворен за секаков сообраќај.

Црвен метеоролошки аларм е во сила за регионот Риека и Кварнер поради невреме и урагани, а прекинати се и бројни линии на траект, катамаран и брод.

Во Затон Обровацки брановите на невремето достигнуваат брзина и до 150 километри на час, а патот Затон Обровацки – Грачац е единствениот правец за патнички возила, додека за камиони и товарни возила нема слободна рута од внатрешноста до Далмација и обратно.

Температурите во длабок минус

Снежната покривка може дополнително да замрзне бидејќи температурата на некои места во Хрватска ќе биде и до -8 °C.

Впечатокот на вистинска зима ќе го комплетира највисоката температура на воздухот од само 3 °C. Како што пренесува Јутарњи лист, најстудено утрово било во Брадња, во Вараждинската жупанија. е забележана температура од минус 13 Целзиусови степени.