Шарени посни кифлички со пиво и прелиени со сируп – фантазија!

Фото и рецепт: Петровиќ Тања

Потребни состојки:

500 мл пиво, 300 мл масло, 1 ванилин шеќер, 1 прашок за печиво, брашно по потреба за да се замеси средно меко тесто и малку какао за темниот дел

Постапка:

Се мешаат пивото и маслото, се додава ванилин шеќер и брашно помешано со прашок за печиво. Брашното се додава постепено и се меси додека да се добие средно меко тесто.

Добиеното тесто се дели на два дела, а во едниот се додава 1-2 лажици какао во прав и се премесува за да стане тестото кафеаво.

Од двете теста се трават тркалезни кори, а потоа се редат една врз друга, една бела и една кафеава, па се се сечат триаголници и се виткаат во кифли. Се редат кифлите во плех обложен со хартија и се печат на 180 степени 15-20 минути.

На крај се вари сируп од шеќер и вода, па се преливаат изладените кифли со врел сируп. Јас имав три плеха кифлички и за сирупот ставив околу 2,5 литри вода со 1 кг шеќер и 1 ванилин шеќер (да зоврие и да се растопи шеќерот).

Фото и рецепт: Петровиќ Тања

Претходна статијаКолачи со пиво и кикирики, превкусни и ровки – се мери со чаша
Следна статијаМушмули: чај и тинктура за лекување на желудник, црева, болки во стомакот