Потребни состојки за тесто:
250 г путер/маргарин
200 мл јогурт
1 шолја (200 мл) шеќер
1 прстофат сол
600 г брашно
50 г кокос
1 кесичка прашок за печиво
1 ванилин шеќер
За фил:
600 мл млеко
2 пудинзи од ванила
100 г кокос
4 лажици шеќер
1 лажица арома од ванила
За поросување:
шеќер во прав
кокос
Постапка:
1.
Прво пригответе го филот: Во еден сад ставете 500 мл млеко, ставете на оган да зоврие заедно со шеќерот и ванилата.
Во остатокот од млекото разматете го пудингот. Кога млекото ќе проврие, тргнете од оган па додадете го пудингот. Мешајте постојано, вратете на оган додека да се згусне. Додадете кокос и промешајте.
2.
За тесто: Омекнете го путерот, додадете шеќер и матете со миксер, додадете ванилин шеќер, прстофат сол и 1 јајце, па заедно изматете и додадете јогурт.
#
Изматете па додадете 50 г кокос и брашно, но не целата количина туку околу 500 г и прашом за печиво. Кога ќе го додадете брашното мешајте го тестото со дрвена лажица и полека додадавајте го остатокот од брашното. Тестото треба да биде меко, но не смее да се лепи.
3.
Поделете го на два дела и развијте со оклагија. Тестото развлечете го на побрашнета површина и одозгора поросете брашно. Нека биде со дебелина од 3 мм ниту многу дебело, ниту претенко.
Сечете со нож на 16 тријаголници, а доколку сакате помали кифлички, можете и на 32.
4.
Филот со кокос поделете го на 2 дела. Правете топчиња со величина помала од орев, па правете ваљачиња така да може да застанат во тријаголничињата (вкупно 16 или 32), па завиткајте во кифлички.
5.
Кифличките завиткувајте ги и редете ги во плех обложен со хартија за печење.
Печете на 200 степени 15 минути да заруменат, а потоа вадете ги од рерна. Треба повеќе да останат бели. Поросете ги со кокос и шеќер во прав додека се топли.
