Станува збор за прекрасен рецепт за уштипци или пексимети како што некои ги нарекуваат, кој лесно се прави и можете да го подготвите за само 10 минути. Дефинитивно треба да го пробате овој рецепт за уштипци, кој ќе ви биде омилен за појадок. Еве што ви е потребно:
ПОТРЕБНИ СОСТОЈКИ (Се мери со чаша од 200 мл):
1 јајце (2 ако се помали)
1 чаша јогурт/кисела павлака
2 супени лажици маслиново масло
1 лажичка сол
1 кесичка прашок за печиво
3 чаши брашно или по потреба (приближно 500 г)
масло за пржење
ПОСТАПКА:
Во садот за месење сипете ги сите состојки освен брашното и измешајте. Кога ќе се изедначат состојките започнете постепено да го додавате брашното.
Кога ќе стане густо, замесете го со рака. Треба да биде средно меко и да не се лепи за рака. Покријте го и оставете го да отстои 15 минути.
Потоа тестото развлечете го во правоаголна форма.
Исечете го на мали квадратчиња или триаголници или форми и големини по ваша желба.
Загрејте го маслото на помеѓу средна умерена и највисока температура, па пржете ги уштипците додека убаво да заруменат од двете страни.
Послужете ги топли.
