Замеси и печи: Крцкави солени стапчиња без квасец кои се готови за 20 минути и успеваат секојпат

Крцкави путер стапчиња без квасец: Се замесуваат за 5 минути и веднаш се печат

Меки однатре, крцкави однадвор – совршени за појадок, гости или семејни собири

Доколку барате брз и проверен рецепт за домашни солени печива кои успеваат секојпат, овие путер стапчиња без квасец се одличен избор.

Нема чекање за нараснување на тестото, нема комплицирани постапки, а резултатот е прекрасно крцкаво и вкусно печиво кое буквално се топи во уста.

Идеални се за појадок, ужина, детски родендени, семејни прослави или кога сакате нешто домашно покрај кафе или чај. Подготовката е едноставна, а состојките се оние што најчесто веќе ги имате дома, пишува НМД. Еве што ви е потребно:

Потребни состојки

* 500 г брашно
* 250 г путер
* 200 г павлака
* 2 јајца
* 1 белка
* 14 г прашок за печиво
* 2 лажички сол
* сусам по вкус
* ким по вкус

За премачкување

* 1 жолчка

Постапка

1. Во длабок сад изматете ги двете јајца и белката со жица за матење.

2. Додајте ја павлаката и омекнатиот путер, па измешајте додека смесата се соедини.

3. Додајте ги прашокот за печиво и солта.

4. Постепено додајте го брашното и замесете меко, мазно тесто. Доколку тестото е премногу лепливо, додајте уште малку брашно.

5. Работната површина посипете ја со малку брашно и развлечете го тестото во кора со дебелина од околу 1 сантиметар.

6. Исечете ленти широки околу 1 сантиметар, а потоа поделете ги на саканата должина.

7. Наредете ги стапчињата во тава обложена со хартија за печење.

8. Премачкајте ги со жолчка и посипете со сусам и ким.

9. Печете во претходно загреана рерна на 180°C околу 15 до 20 минути, односно додека добијат убава златножолта боја.

10. Оставете кратко да се изладат и послужете ги додека се свежи и крцкави.

СОЛЕНИ СТАПЧИЊА без стасување на тесто, ЗА 15 МИНУТИ! Печиво кое долго трае…Вкусни – не знаете за доста

Совети за совршен резултат

* Во тестото може да додајте и рендан кашкавал за побогат вкус.

* Стапчињата остануваат вкусни и следниот ден ако се чуваат во добро затворен сад.

* Одлично се комбинираат со јогурт, сирење, намази или домашни салати.

Овој едноставен рецепт покажува дека за вкусно домашно печиво не се потребни ниту квасец ниту долго чекање.

Само неколку основни состојки и за помалку од половина час ќе имате миризливи путер стапчиња кои сигурно ќе ги подготвувате повторно.

Постапката погледнете ја во видео прилогот ОВДЕ: