Корнет пица – новиот тренд во светот дојде и кај нас

Рецептот за пица на нов, необичен начин, дојде и кај нас. Пицата во облик на корнет послужете ја за појадок, вечера, ужина или за гости.

Потребни состојки:

500 г брашно

150 мл млако млеко

100 мл вода

20 г свеж квасец

1 лажица шеќер

1 лажичка сол

2 лажици маслиново масло

Потребни состојки за фил:

5-6 лажици кечап

250 г салама или некој друг сувомеснат производ

250 г кашкавал

оригано

Потребни состојки за премачкување:

100 г путер/маргарин

1 јајце

Постапка:

Измешајте квасец, млеко, шеќер и 3 лажици брашно, прекријте со крпа и оставете да се активира. Кога квасецот ќе запени, додадете масло, брашно и сол. Замесете тесто и оставете го прекриено да се удвои.

Потоа премесете го и развлечете во голем круг. Со чаша вадете кругови и на секој намачкајте кечап, ставете изрендан кашкавал и сечкана салама. Едниот крај свиткајте го преку филот, а другиот крај преку тестото. Прилепте малку со прсти. Наредете ги корнетите во тепсија, претходно намастена со путер или обложена со хартија.

Со вилјушка разматете растопен путер, додадете јајце и добро измешајте. Секој „корнет“ премачкајте го.

Ставете да се пече во загреана рерна на 200-220 степени. Печете околу 25 минути.