Рецепт за домашни јаболкови фритери
Подгответе вкусни и крцкави јаболкови фритери за само 10 минути! Овој едноставен рецепт ќе ви овозможи да уживате во совршен десерт или ужина, со арома на цимет и свежина на јаболка.
Следете ги чекорите за да создадете неодоливи фритери што ќе ги обожава целото семејство, пишува НМД. Еве што ви е потребно:
Потребни состојки:
– 1 јајце
– 3 лажици шеќер
– 3 лажици масло
– 5 лажици млеко
– 125 г цврст јогурт со вкус на лимон или кисела павлака)
– 8 г ванилин шеќер
– прстофат сол
– 300 г брашно
– 10 г прашок за печиво
– 2 рендани јаболка
– шеќер и цимет (за посипување)
– масло за пржење
– НМД
Постапка:
1. Во длабок сад, изматете го јајцето заедно со шеќерот и ванилиниот шеќер додека смесата стане хомогена.
2. Додајте го маслото, млекото и јогуртот со вкус на лимон. Промешајте добро.
3. Во смесата додајте прстофат сол, брашното и прашокот за печиво. Мешајте додека не се формира мазно тесто без грутки.
4. Изрендајте ги јаболката и внимателно вмешајте ги во тестото.
5. Оставете го тестото да отстои 10 минути на собна температура.
6. Во длабок сад или тава, загрејте масло на умерена температура.
7. Тестото префрлете го во готварски шприц и формирајте фритери, пуштајќи ги внимателно во врело масло. Пржете ги 2-3 минути од секоја страна или додека да добијат златнокафеава боја.
8. Откако ќе се испржат, извадете ги фритерите на кујнска хартија за да се исцеди вишокот масло.
9. Во плитка чинија измешајте шеќер и цимет по вкус, па валајте ги топлите фритери.
Сервирајте ги фритерите веднаш за максимално уживање. Добар апетит! Постапката погледнете ја во видео прилогот ОВДЕ:
