Сипете, промешајте и испечете: Најмеките домашни сирењачиња што сите ги бараат
Брзи сирењачиња што се топат во уста – готови за 30 минути, меки однатре и крцкави одозгора
Доколку барате брз домашен појадок или лесна вечера што секогаш успева, овие меки сирењачиња се вистински избор.
Се подготвуваат без месење, без чекање да нарасне тестото и со состојки што речиси секогаш ги имате дома. Комбинацијата од сирење, јогурт и кашкавал создава богата текстура и неодолив вкус, а подготовката трае само неколку минути.
Овој рецепт е идеален за семеен појадок, училишна ужина, практичен оброк за работа или брза вечера со салата и јогурт.
Дополнително, ваквите економични домашни рецепти се сè попопуларни кај љубителите на практично готвење и паметно планирање на семејниот буџет, пишува НМД. Еве што ви е потребно:
Потребни состојки:
* 4 јајца
* 200 мл течен јогурт
* 100 мл млеко
* 50 мл масло
* 1 лажичка сол
* 1/2 кесичка прашок за печиво
* 200 г сирење
* 200 г брашно
* 150 г рендан кашкавал
* НМД
Постапка:
Во подлабок сад со жица изматете ги јајцата. Сипете ги течниот јогурт, млекото и маслото, па додајте сол и прашок за печиво. Промешајте додека смесата да се изедначи.
Рерната вклучете ја да се загрева на 180 степени.
Во смесата додајте го сирењето. Можете да користите кравјо бело сирење, урда, крем сирење или свежо сирење за пита. Нежно промешајте.
На крај додајте го брашното и соединете со бавно мешање со лажица, со кружни движења, за смесата да остане воздушеста.
Плех обложете со хартија за печење. Со лажица намастена со масло или со мала кутлача црпете од смесата и сипувајте во плехот, оставајќи растојание помеѓу сирењачињата, бидејќи при печењето нараснуваат и во висина и во ширина.
Врз секое сирењаче ставете малку рендан кашкавал по средината.
Печете во загреана рерна околу 25 минути, додека да добијат златнорумена боја и крцкава коричка.
Послужете ги топли, со јогурт, салата или домашен намаз.
Корисни совети:
* За побогат вкус додајте ситно сечкан сув босилек или суво оригано.
* Доколку сакате помека текстура, користете цврст јогурт наместо течен јогурт.
* Од оваа количина излегуваат приближно 2 плеха сирењачиња.
* Одлично се комбинираат со практични кујнски апарати за брзо печење и модерни решенија за складирање храна.
* Постапката погледнете ја во видео прилогот ОВДЕ:
