Нема ништо подобро од мирисот на топли, домашни крофни кои потсетуваат на детството, особено кога рецептот е толку едноставен што секој почетник може да го направи од прва.
Овие брзи прстенести крофни се идеално решение за појадок или ненајавени гости, бидејќи состојките веќе ги имате во кујната, а целата постапка трае само 10 минути. Еве што ви е потребно:
ПОТРЕБНИ СОСТОЈКИ:
2 јајца
60 г шеќер
80 мл млеко
80 мл сок од портокал
60 мл масло
8 г ванилин шеќер
1/2 лажичка сол
1 лажичка анасон семе за вкус (мелено)
480 г брашно
12 г прашок за печиво
ПОСТАПКА:
1.Јајцата изматете ги со шеќерот и ванилата, па додајет млеко, масло, сок, сол и мелен анасон. Измешајте па додајте го просеаното брашно помешано со прашок за печиво. Замесете меко тесто кое сосем малку се лепи за прсти.
2.Тестото нека одмори 5-10 минути. Намастете ги рацете, кинете од тестото и обликувајте топчиња. Со прстите направете дупче во средината за да добиете облик на прстен.
3.Крофничките оставете ги да одморат 5 минути додека се загрева маслото, па пржете ги на умерена температура додека да заруменат од двете страни.
4.Готовите крофнички валајте ги во шеќер. Постапката погледнете ја ОВДЕ.
