Посни кифлички меки како памук, одлични за секаква пригода. Рецепт и фотографија на Никиќ Билјана. Еве што ви е потребно:
ПОТРЕБНИ СОСТОЈКИ:
1 кг бело брашно,
1 кесичка прашок за печиво,
40 г активиран квасец (во малку топла вода и лажица шеќер),
4 лажици шеќер,
1 лажица сол,
100 мл масло и
500 мл млака вода,
Растворете го квасецот во малку млака вода со шеќер, па откако ќе запени после 10-15 минути, сипете го во брашно помешано со прашок за печиво, шеќер и сол, па додајте масло и со постепено додавање на млака вода замесете фино, меко тесто.
Кога тестото ќе стане еластично и да се одвојува од ѕидовите на садот, обликувајте го во топка и покриено оставете го во топла просторија да ферментира додека убаво да го зголеми волуменот.
![](https://nmd.mk/wp-content/uploads/2023/12/IMG_1135.jpg)
Потоа премесете го и повторно оставете го да ферментира. Вториот пат побрзо ќе го удвои волуменот. Потоа кинете парчиња од него и обликувајте топчиња со големина на јајце.
Со оклагија развлекувајте ги во овални форми, направете засеци на краевите но не до крај и виткајте ги кифличките (како гасенички). Наредете ги во плех обложен со хартија за печење и премачкајте ги со посен мајонез.
![](https://nmd.mk/wp-content/uploads/2023/12/IMG_1134.jpg)
Оставете ги да одморат 15 минути додека се загрева рерната за да пораснат малку. Печете ги во загреана рерна на 180 степени околу 15 до 20 минути, а кога ќе ги извадите од рерна, секоја кифличка премачкјате ја со лажичка растопен посен маргарин.
Вкусни се и така да се јадат, но и со разни предјадења, бидејќи се празни и посни. Рецепт и фотографија на Никиќ Билјана.
![](https://nmd.mk/wp-content/uploads/2023/12/IMG_1139.jpg)