Компир пирошки, со задолжителен додаток од тартар сос – прсти да излижеш, додека се топли, незаменливи се

Фото и рецепт: Лидија Стојанова

фото насловна: Јулијана Павлоска

Loading...

Мини пирошки, идеални за секаква пригода, имендени, родендени, домашни слави… Ем лични, ем вкусни, кој пробал знае. За останатите следува рецепт 1:

Потребни состојки:

2-3 варени и изрендани компири
3 јајца
½ коцка маргарин од 250 г
500 мл млеко
1 коцка квасец
сол и малку шеќер
брашно по потреба

Постапка:

Се замесува тесто од наведените состојки со средна густина. Од тестото се расукува кора со дебелина од околу 5 мм. Се сечат правоаголни форми, а на средина се става фил по желба (кашкавал, салама, кечап…)

Се лепат на краевите, се валкаат прво во белка, па во презла и се оставаат малку да стасуваат. Потоа се пржат во загреано масло додека да добијат убава златна боја.

РЕЦЕПТ 2

Потребни состојки:

1 коцка свеж квасец
200 мл млеко
1 лажичка шеќер
400 г брашно
1 лажичка сол
1 лажичка сув зачин (вегета)
2 жолчки
200 г варен компир

За фил:

1 младо кромитче
1 младо лукче
3 домати
100 г суво, димено месо
100 г сирење
маслиново масло, оригано, босилек, црн пипер

и уште:

2 белки
презла

Постапка:

Најпрво ставете го квасецот со млекото, шеќерот, две лажици брашно, па промешајте убаво да нема грутчиња. Оставете го 10-тина минути да се активира и запени.

Направете тесто со останатите состојки и варениот и изрендан компир. Оставете го да стасува, околу 30-40 минути.

Потоа развлечете кора, сечете правоаголници и филувајте со претходно приготвениот фил. Со прстите притиснете на краевите за да се залепи пирошката, па валкајте ги прво во белка, а потоа во презла. Пржете ги во не многу врело масло.

За фил: малку издинстајте ги кромидот и лукот, па зачинете, додадете рендан домат, суво месо на коцкички, па сирење или кашкавал. Со оваа смеса филувајте ги пирошките.

Тестото е феноменално, а филот можете да го промените по ваш вкус.

Фото и рецепт: Јулијана Павлоска
Loading...