Мрзливи пирошки со урда и зеленчук – брз и вкусен појадок
За утрата кога времето е ограничено, а сакате да подготвите нешто вкусно и хранливо, овие мрзливи пирошки се идеално решение.
Готови за само 10 минути, тие се совршен избор за појадок или ужина за децата во училиште.
Со комбинација од урда, спанаќ и млад кромид, овие пирошки се меки, ароматични и неодоливи, пишува НМД. Еве што ви е потребно:
ПОТРЕБНИ СОСТОЈКИ:
– 200 мл кефир или течен јогурт
– 4 лажици кисела павлака
– 1 јајце
– 0,5 лажичка сол
– 0,5 лажичка сода бикарбона
– 250 г брашно
– 250 г урда (или ситно сирење)
– 40 г спанаќ
– 30 г млад кромид
– Растително масло (за пржење)
– НМД
ПОСТАПКА:
1. Во подлабок сад измешајте ги кефирот (или течниот јогурт), киселата павлака, јајцето, солта и содата бикарбона.
2. Постепено додавајте го брашното и мешајте со маталка додека добиете мазно, полутечно тесто без грутчиња.
3. Во тестото додајте ја урдата (или ситното сирење), ситно исечканиот спанаќ и ситно исечканиот млад кромид. Добро измешајте за да се соединат состојките.
4. Загрејте тава на средна температура и додајте малку растително масло.
5. Со лажица, претходно натопена во ладна вода, земајте од смесата и формирајте мали пирошки во тавата.
6. Пржете ги под капак додека да нараснат и да заруменат од долната страна, потоа превртете ги и пржете ги на истиот начин од другата страна.
7. Готовите пирошки вадете ги на чинија обложена со кујнска хартија за да се впие вишокот масло.
Сервирајте ги топли, по желба со кисела павлака или јогурт. Уживајте во овој брз и вкусен оброк! Постапката можете да ја погледнете во видео прилогот ОВДЕ:
