Домашен појадок за 10 минути: Пржено тесто што прекрасно се набабрува без квасец
Кога сакате брз и топол појадок без чекање да стаса тестото, овој рецепт за пржено тесто без квасец е вистинско решение. Подготвено со кашкавал, јајце и малку магдонос, тестото станува неверојатно меко однатре и крцкаво однадвор.
Ова е едноставен домашен рецепт кој се подготвува за само неколку минути и е идеален за појадок, брза ужина или трпеза со гости.
Благодарение на прашокот за печиво, тестото убаво се крева и добива воздушеста структура без долго месeње или чекање.
Дополнително, ваквите практични рецепти се популарни меѓу љубителите на домашна кујна, мали кујнски апарати и модерни решенија за подготовка на храна, пишува НМД. Еве што ви е потребно:
Потребни состојки (се мери со мала чајна чаша од 120 мл и чаша од 200 мл)
• 120 мл млеко
• 1 јајце
• 1 мала лажица сол
• 200 мл рендан кашкавал
• 120 мл бело сирење (ситно издробено)
• 8–10 гранчиња магдонос, ситно сечкан
• 1 кесичка прашок за печиво
• 400–450 г брашно (додавајте постепено)
За пржење:
• околу 120 мл масло
Постапка
1. Во длабок сад сипете го млекото и додајте го јајцето. Со маталка или виљушка измешајте додека да се соединат.
2. Додајте ги ренданиот кашкавал, издробеното сирење, ситно сечканиот магдонос и солта.
3. Сипете го прашокот за печиво и добро промешајте.
4. Постепено додавајте брашно и мешајте додека да добиете меко и еластично тесто. Количината брашно може малку да варира во зависност од големината на јајцето и видот на брашното.
5. Замесете кратко со рака, околу 3–4 минути, додека тестото стане меко и лесно за обликување.
6. Покријте го тестото со кеса или кујнска фолија и оставете да одмори околу 15 минути.
7. На лесно набрашнета површина развлечете правоаголна кора со средна дебелина.
8. Исечете ја кората на ленти или правоаголници – големината може да ја прилагодите по желба.
9. Во тава загрејте умерена количина масло на средна температура.
10. Ставајте ги парчињата тесто во загреаното масло и пржете ги додека да добијат златна боја од двете страни.
11. Извадете ги на хартиена салфетка за да се впие вишокот масло.
Послужете ги топли – одлични се со јогурт, сирење или свежа салата.
Мали кујнски трикови
• Тестото треба да биде меко, но да не се лепи премногу.
• Пржете на умерена температура за тестото да се испече убаво и однатре.
• За уште побогат вкус, може да се додате малку сув босилек или суво оригано.
• Постапката погледнете ја во видео прилогот ОВДЕ:
