Рецепт за вкусни компирови палачинки
Овој рецепт за компирови палачинки е идеален за брз, вкусен и економичен оброк што ќе ја воодушеви целата фамилија.
Со едноставни состојки што ги имате дома, можете да подготвите вкусно јадење кое е совршено за есенските денови.
Палачинките се меки, ароматични и лесни за подготовка, а нивниот вкус ќе ве натера да ги готвите често, пишува НМД. Еве што ви е потребно:
Потребни состојки:
– 400 г компири
– 2 јајца
– 2/3 лажичка сол (или по вкус)
– Неколку перца млад кромид
– Неколку гранчиња копар или магдонос
– 250 мл млеко
– 130 г брашно (1 чаша од 250 мл)
– 1/2 лажичка прашок за печиво
– 2 лажици растително масло
– НМД
Постапка:
1. Изрендајте ги компирите на ситно или средно ренде.
2. Во сад со ренданите компири додајте ги јајцата и солта. Добро измешајте.
3. Додајте го млекото и растителното масло, па повторно промешајте додека смесата стане хомогена.
4. Во посебен сад измешајте го брашното со прашокот за печиво, а потоа постепено додајте ги во смесата со компири. Мешајте додека да добиете тесто со течна конзистентност.
5. Ситно исечкајте го младиот кромид и копарот, па додајте ги во тестото. По желба, можете да користите суви зачини или други зачини погодни за компири.
6. Загрејте тава на средна температура. За првата палачинка, лесно намачкајте ја тавата со малку растително масло. Истурете дел од тестото и рамномерно распоредете го.
7. Печете ги палачинките од двете страни додека да добијат златнокафеава боја. За следните палачинки, обично не е потребно дополнително подмачкување на тавата, но по потреба премачкувајте.
8. Послужете ги палачинките топли, со кисела павлака, јогурт или кефир, според вашиот вкус.
Овие компирови палачинки се брзи за подготовка, а даваат десет вкусни и заситни порции. Уживајте во оброкот и добар апетит! Постапката погледнете ја во видео прилот ОВДЕ:
