Салата МЕТЛА – го чистиме организмот и слабееме здраво!

Салата „Метла“ (или како што уште ја нарекуваат „Четка“) ужива огромна популарност веќе неколку години по ред. Можеби не изгледа убаво и егзотично, но таа е драгоценост за оние кои сакаат да го исчистат својот организам и да ослабат. Во што е нејзината тајна?

Основните компоненти на салатата (зеленчук и зачински билки) кои го збогатуваат организмот со витамини и минерали, се исполнети со влакна и пектин. Благодарение на тоа, ова здраво јадење придонесува за ефикасно чистење на цревата. Со самото тоа, поради исфрлање на фекалните наслаги се намалува и телесната тежина.

Но, тоа не е се’: бидејќи некои од состојките на оваа салата се нискокалорични, доколку со оваа салата заменете еден оброк (на пример вечера), можеме да се ослободиме од масните наслаги. На тој начин, резултатот од консумирање на вкусна и корисна салата, е исчистен организам и коригирана телесна тежина.

Постојат неколку рецепти за приготвување на оваа салата. Ќе ве запознаеме со класичниот рецепт:

САЛАТА „МЕТЛА“ – РЕЦЕПТ:

За нејзино приготвување ќе ви биде потребно: зелка, цвекло, морков, зачински билки, лимонов сок, масло.

ПОСТАПКА:

Зелката изрендајте ја, а потоа и цвеклото и морковот, во однос: 3:1:1

Додадете зачински билки по свој вкус (мирудија, магдонос, целер). Изгмечете го зеленчукот за да пушти сок. Додадете малку лимонов сок. По желба, за постигнување на пикантност, на салатата можете да додадете и малку изгмечено лукче. Зачинете со помала количина на растително масло (посебно се препорачува ленено или маслиново).

Салатата е непотребно да ја солите. Ако не можете да се откажете од соленкастиот вкус, користете соја сос кој содржи доста сол и го подобрува вкусот на храната, а има високо нутритивни вредности и не е штетен по здравјето.

Имајте на ум: при ниска киселост во желудникот, подобро е да користете кисела зелка.