Крцкаво домашно лепче со печен лук: Брз рецепт што сите го бараат
Потпечено лепче со печен лук и кашкавал – крцкаво задоволство со неодолив мирис
Кога домот ќе замириса на печен лук, путер и топен кашкавал, тешко е некој да остане рамнодушен.
Ова потпечено лепче е совршен избор за брз појадок, вечера, мезе за гости или вкусен додаток покрај супи, салати и месо. Крцкаво однадвор, меко однатре и богато со ароми, ова е рецепт што лесно станува омилен во секое семејство.
Дополнително, ваквите домашни рецепти се одличен избор за оние што бараат практични идеи за економични оброци, паметно планирање на кујнскиот буџет и вкусна домашна храна без многу трошоци, пишува НМД. Еве што ви е потребно:
Потребни состојки:
* 100 г путер (на собна температура)
* 3 главици лук
* 1 леб исечен на парчиња
* 2 супени лажици сечкан магдонос
* 200 г рендан кашкавал или тврдо сирење
* прстофат сол
* малку маслиново масло
Постапка:
1. Извадете го путерот од фрижидер и оставете го на собна температура за да омекне.
2. На главиците лук пресечете им го горниот дел, така што ќе се гледаат врвовите од чешнињата.
3. Во тепсија ставете хартија за печење, а врз неа алуминиумска фолија. Наредете ги главиците лук, сипете малку маслиново масло и завиткајте ги лесно со фолијата.
4. Печете во загреана рерна на 200 степени околу 30 минути, додека лукот стане мек и карамелизиран.
5. Оставете кратко да излади, па истиснете ги печените чешниња од лушпата и крупно исечкајте ги.
6. Во сад измешајте ги омекнатиот путер, лукот, магдоносот, кашкавалот и прстофат сол, додека добиете ароматична кремаста смеса.
7. Лебот исечете го на парчиња и секое парче премачкајте го со подготвената смеса.
8. Наредете ги парчињата во тепсија и печете во добро загреана рерна на 250 степени околу 3 до 4 минути, додека кашкавалот се растопи, а лепчето добие златна и крцкава кора.
Послужете топло и уживајте во совршениот спој на путер, печен лук и растопен кашкавал.
