Овој метод го правам многу често, речиси секој втор ден, откако го научив од 70-годишен мајстор. Еве што ви е потребно:
Потребни состојки:
2 чаши вода
2 јајца (сочувајте ја едната жолчка за премачкување)
1 лажичка сол
5,5 чаши брашно
За премачкување на тестото:
125 г путер или маргарин
за фил:
фета сирење
ПОСТАПКА:
Во подлабок сад измешајте 2 чаши вода (400 мл) и 2 јајца (без една жолчка). Потоа постепено започнете да додавате 5,5 чаши пченично брашно (550 г) и 1 лажичка сол (8 г). Добро измесете го тестото 6-8 мин за да стане еластично, меко, но да не се лепи за рака.
Поделете го тестото на 2 дела и обликувајте топки. Покријте го и оставете го да отстои 5 минути.
Потоа развлечете го колку што можете и преку целата површина премачкајте го со омекнат путер или маргарин.
Здиплете го како за лиснато тесто (како книга) и секој слој премачкувајте го со путер. За две теста употребив 125 грама путер.
На ист начин подгответе го и другото тесто.
Завиткајте го во кеса или проѕирна фолија и оставете го да отстои еден час во фрижидер. Потоа спушетете го на малку набрашнета работна површина и развлечете го во правоаголна кора (квадрат).
Пресечете го на 16 еднакви делови (4х4) и во секое квадраче ставете фил од фета сирење. По желба можете да користите и различни материјали за полнење.
Потоа секое затворете го како писмо (со опфаѓање и спојување на двата спротивни агли) и премачкјате го со изматената жолчка во која сте додале сосем малку масло или млеко.
Наредете во плех и печете во рерна загреана на 200 степени додека да заруменат.
Ова е најдобриот рецепт за крцкаво печиво со секој слој што може да се брои. Видеопрезентацијата погледнете ја ОВДЕ.
