Брашно, јајца, млеко и рендан компир…Најубавите палачинки за појадок! Ако сакате вкусен и здрав оброк, испробајте ги овие палачинки со зеленчук…Еве што ви е потребно:
ПОТРЕБНИ СОСТОЈКИ (се мери со иста чаша од 200 или 250 мл):
1 тиквичка
1 голем компир
3 јајца
1.5 чаша млеко
1 чаша брашно
1 мала лажичка прашок за печиво
1 врзоп млад зелен кромид
1 китка магдонос
ПОСТАПКА:
1.Изрендајте ја тиквичката и компирот, посолете ги со 1-2 прстофати сол, промешајте ги и оставете ги настрана 10-тина минути врз цедалка.
2.Во подлабок сад изматете ги јајцата со жица, па со наизменично додавање на брашно и млеко изматете смеса со густина на јогурт.
3.Додајте го добро исцедените компир и тиквичка, ситно сечканиот магдонос и кромид и промешајте.
4.Палачинките пржете ги на претходно намастено тавче и загреано на умерено висока температура.
Кога ќе заруменат од едната страна, превртете ги и од другата. Постапката погледнете ја ОВДЕ.
