Ако барате домашни ѓевречиња меки како памук, со богата текстура, слоевитост и совршена златна кора – овој рецепт е вистинскиот избор.
Благодарение на комбинацијата од квасец, прашок за печиво и мал трик со оцет, ѓевречињата остануваат меки и следниот ден. Идеални се за појадок, ужина, сендвичи или како додаток со јогурт и сирење, пишува НМД. Еве што ви е потребно:
Ѓевречиња меки како памук – рецептот што сите го бараат
📝 Потребни состојки
• 600 г брашно (просеано)
• 120 г брашно (дополнително, за доработка)
• 400 мл млеко (млако)
• 4 супени лажици шеќер
• 9 г сув квасец
• 2 јајца (на собна температура)
• 80 мл масло
• 1 лажичка сол
• 10 г прашок за печиво
• 1 супена лажица оцет (9%)
• 50 г путер (омекнат, за тестото)
• по потреба путер (за премачкување на корите)
За премачкување:
• 1 жолчка
• 1 супена лажица млеко
За посипување (по желба):
• сусам, ленено семе, афион или мешавина од семиња
Домашни ѓевречиња меки како памук – проверен рецепт со квасец и путер. Детална постапка, совети и совршен резултат секој пат.
👩🍳 Постапка
1. Во длабок сад сипете го млекото, додајте шеќер и сув квасец, па промешајте со лажица и оставете неколку минути да се активира.
2. Додајте ги јајцата, маслото, солта, прашокот за печиво и оцетот, па промешајте додека да се соединат состојките.
3. Постепено додајте 600 г брашно и замесете меко тесто.
4. Потоа додајте уште 120 г брашно и замесете со рака додека да добиете компактно, средно меко тесто.
5. Додајте го омекнатиот путер и инкорпорирајте го со месење додека тестото стане еластично и нелепливо.
6. Покријте го тестото и оставете го околу 40 минути на топло место, додека да го удвои волуменот.
7. Премесете го кратко, обликувајте топка, сплескајте ја со дланките и со оклагија развлечете правоаголна кора.
8. Премачкајте ја целата површина со омекнат путер. Преклопете ја кората до половина, повторно премачкајте со путер, па преклопете од другата страна за да добиете долгнавест правоаголник.
9. Повторно премачкајте со путер и преклопете на половина. Покријте и оставете да одмори 20 минути.
10. Нежно притиснете со дланките и со оклагија развлечете правоаголна кора.
11. Исечете ленти со широчина од приближно три прсти.
12. Секоја лента фатете ја за краевите и виткајте спирално во спротивни насоки, како да цедите крпа, па спојте ги краевите за да добиете прстен – ѓеврече.
13. Наредете ги ѓевречињата во плех обложен со хартија за печење.
14. Премачкајте ги со жолчка помешана со млеко и посипете семе по желба.
15. Загрејте ја рерната на 180 °C. По околу 15 минути одморање, ставете ги да се печат додека да добијат убава златна боја. Постапката погледнете ја во видео прилогот ОВДЕ:
