Рецепт за домашни ѓевречиња со путер
Овој рецепт за домашни ѓевречиња со путер е идеален за сите љубители на свежо печиво со мека внатрешност и крцкава, златнокафеава кора.
Лесни за подготовка, овие ѓевречиња се совршени за појадок, ужина или придружба на главно јадење. Со нивната слоевита структура и богат вкус, сигурно ќе ги воодушеват сите во вашето семејство, пишува НМД. Еве што ви е потребно:
Потребни состојки:
– 60 г шеќер
– 1 јајце
– 400 мл млака вода
– 8 г сув квасец
– 100 мл растително масло
– 750 г бело брашно
– 1 лажичка сол
– 130 г путер (за слоевите)
– 2 жолчки (за премачкување)
– 1 лажица растително масло (за премачкување)
– НМД
Постапка:
1. Во длабок сад измешајте 60 г шеќер и 1 јајце додека смесата стане хомогена.
2. Додајте 400 мл млака вода и 8 г сув квасец. Мешајте додека квасецот целосно не се раствори.
3. Вклучете 100 мл растително масло и продолжете со мешање.
4. Постепено додавајте 750 г просеано бело брашно, мешајќи со лажица. Доколку е потребно, додајте уште малку брашно во зависност од типот на брашното.
5. Додајте 1 лажичка сол и мешајте додека да се формира тесто.
6. Префрлете го тестото на набрашнета површина и месете го неколку минути додека стане меко и еластично.
7. Намрсете сад, ставете го тестото во него, покријте го и оставете го да отстои 60 минути на топло место.
8. По одморањето, поделете го тестото на четири еднакви делови и формирајте топчиња. Покријте ги и оставете ги да отстојат 10 минути.
9. Секое топче развлечете го во тенка, голема кора, посипувајќи брашно за да не се лепи. Ставете ја кората настрана и повторете го процесот со останатите топчиња.
10. Намачкајте ја првата кора со омекнат путер (користете околу 130 г путер за сите кори).
Потоа, развлечете ја следната кора, ставете ја врз намачканата и повторно намачкајте ја со путер. Повторете го процесот со сите кори, вклучувајќи ја и последната.
11. Од едната страна преклопете ја сложената кора со ширина од 4-5 прсти и продолжете да преклопувате до крај за да добиете долг правоаголник.
12. Исечете го правоаголникот на ленти со ширина од 3-4 см.
13. Секоја лента развлечете ја со оклагија за да се издолжи, а потоа спирално свиткајте ја и спојте ги краевите за да формирате ѓевречиња.
14. Наредете ги ѓевречињата на плех обложен со хартија за печење. Покријте ги и ставете ги во фрижидер да отстојат 20 минути.
15. Измешајте 2 жолчки со 1 лажица растително масло и премачкајте ги ѓевречињата со смесата.
16. Печете во загреана рерна на 180°C околу 25-30 минути или додека не добијат златнокафеава боја.
Сервирајте ги топли или на собна температура и уживајте во нивниот неодолив вкус! Постапката погледнете ја во видео прилогот ОВДЕ:
