Рецепт за незаборавни палачинки со четири состојки
Овој рецепт за палачинки е едноставен, но дава извонредни резултати – меки, еластични и вкусни палачинки кои се совршени за слатки или солени полнења.
Со само четири состојки во еднакви мерки, овој рецепт е лесен за паметење и идеален за секоја пригода. Следете ги чекорите и уживајте во совршенството на секој залак, пишува НМД. Еве што ви е потребно:
Потребни состојки (за поголема количина):
400 мл млеко
400 г пченично бело брашно
400 мл газирана вода
4 јајца
4 лажици масло
НМД
Потребни состојки (за помала количина):
200 мл млеко
200 г пченично бело брашно
200 мл газирана вода
2 јајца
2 лажици масло
НМД
Постапка:
1. Во длабок сад, изматете ги јајцата со жица за матење.
2. Додајте го млекото и маслото, па продолжете со мешање за да се добие хомогена смеса.
3. Постепено додавајте го брашното, мешајќи континуирано за да не се формираат грутки.
4. На крај, додајте ја газираната вода и добро измешајте додека смесата не стане мазна и течна, со конзистенција на јогурт.
5. Загрејте тава за палачинки на средна температура и лесно намачкајте ја со малку масло.
6. Со кутлача, истурајте од смесата во тавата, распоредувајќи ја рамномерно за да се формира тенок слој.
7. Печете ја палачинката околу 1-2 минути од едната страна, додека рабовите почнат да се одвојуваат, па превртете ја и печете уште 1 минута од другата страна.
8. Повторете ја постапката додека ја потрошите целата смеса, редејќи ги готовите палачинки една врз друга.
Напомена:
Палачинките може да се послужат со слатки полнења, како џем, чоколаден крем или овошје, или со солени комбинации, како сирење и шунка. Уживајте во нивната едноставност и совршен вкус! Постапката погледнете ја во видео прилогот ОВДЕ:
