Највкусни солени мафини – сочни, меки и брзи за подготовка. Овие солени мафини се совршен избор за секоја прилика – од појадок, преку ужина, до забави со пријателите.
Нивната мека текстура, богат вкус и едноставна подготовка ќе ве освојат на првиот залак.
Со можност за прилагодување на додатоците според вашиот вкус, овие мафини се вистинска кулинарска инспирација.
Од предложената смеса се добиваат околу 22 мафини, а подготовката е брза и лесна, пишува НМД. Еве што ви е потребно:
ПОТРЕБНИ СОСТОЈКИ:
– 2 шолји (200 мл) пченично бело брашно Т-400
– 1 шолја (200 мл) пченкарно брашно ( или ситна палента)
– 1 лажичка сол
– 12 г прашок за печиво
– 200 мл јогурт
– 200 мл масло
– 100 мл газирана вода
– 3 јајца
– 300 г ситно сирење
– 200 г шунка исечкана на коцкички
– 200 г кисели пиперки исечкани на коцкички
– 150 г кисели краставички исечкани на коцкички
– НМД
ПОСТАПКА:
1. Загрејте ја рерната на 200 °C. Подгответе калап за мафини со поставување хартиени корпи или намастете ги калапите.
2. Во длабок сад измешајте ги сувите состојки: пченичното брашно, пченкарното брашно, солта и прашокот за печиво.
3. Додајте го јогуртот, маслото и газираната вода и на крај јајцата. Мешајте со лажица или шпатула.
4. На крај, внимателно вмешајте ги ситно исечканото сирење, шунката, киселите пиперки и киселите краставички. По желба, можете да ги замените овие додатоци со сланина, печеница или други состојки по ваш вкус.
7. Со лажица рамномерно распоредете ја смесата во калапите за мафини, пополнувајќи ги до 2/3 од нивната висина.
7. Печете во загреана рерна на 200 °C околу 30 минути или додека мафините да добијат златно-кафеава боја.
8. Извадете ги мафините од рерната и оставете ги кратко да се изладат пред сервирање. Постапката погледнете ја во видео прилогот ОВДЕ:
