Потребни состојки:
500 г тенки кори за пита
250 г полномасно сирење
2 јајца
Малку масло
И уште 100 мл за пржење (опционо)
Постапка:
Изматете ги јајцата со сирењето во пенаста смеса. Ако не е доволно компактна, додадете малку масло.
Корите за пита пресечете ги по должина на половина и филувајте ги.
Целата кора премачкајте ја по целата должина со фил од сирење. Свиткајте ги краевите убаво, за да не истекува филот, па свиткајте како ролничка. Загрејте го маслото и пржете ги питичките од двете страни за да заруменат.
Можете да ги печете во рерна во плех со хартија за печење, наросени со малку масло.
Послужете со јогурт.
