Ова е одлична погача за вечера која ќе биде на вашата маса за 30 минути. Мека, сочна и вкусна. Еве што ви е потребно:
Потребни состојки:
300 г бело брашно
3 јајца
200 мл кисело млеко
150 мл млеко
100 мл масло
1 прашок за печиво
1 лажичка сол
Постапка:
1.Во подлабок сад ставете брашно, прашок за печиво и сол, па промешајте и додајте ги останатите состојки. Тестото е доста меко, дури и полутечно, па затоа се меша со шпатула, а не се меси со рака.
2.Тепсијата или помал калап намастете, па истурете го тестото. Рерната вклучете ја на 220 степени, па кога ќе се загрее за 10-тина минути, ставете ја погачата да се пече додека убаво да зарумени.
Додека се пече погачата малку ќе нарасне…
3.Пред печењето по желба одозгора можете да посипете сусам или семки. Послужете додека е топла со кајмак, домати, ајвар, младо кромитче… Деталите од постапката можете да ги погледнете во видеото:
