Домашната погача отсекогаш имала посебно место на трпезата, особено за празници, семејни собирања и важни моменти.
Овој рецепт е резултат на внимателно избалансирани состојки и практична постапка, со цел да се добие исклучително мека, сочна и воздушеста памук погача, без непотребно долго месење и комплицирани техники.
Рецептот е соодветен и за рачно месење и за подготовка во миксер, што го прави практичен избор и за секојдневно печење и за свечени пригоди, пишува НМД. Еве што ви е потребно:
🧺 Потребни состојки
• 240 мл топло млеко
• 240 мл топла вода
• 240 мл масло или растопен путер
• 5 супени лажици (72 г) шеќер (за помалку слатка верзија – 3 лажици)
• 1 супена лажица (15 г) сол
• 1 супена лажица (11 г) сув квасец или ½ коцка свеж квасец
• 840 г брашно + дополнително за развлекување
• 1 жолчка за премачкување пред печење
• 1–2 лажици млеко (за мешање со жолчката)
• НМД
👩🍳 Начин на подготовка
1️⃣ Активирање на квасецот
Во садот на миксерот измешајте ги топлото млеко и топлата вода. Додајте го шеќерот и квасецот и мешајте додека целосно да се растворат.
Потоа додајте околу 2 чаши од брашното и кратко промешајте додека да добиете хомогена смеса.
Покријте го садот со памучна крпа и оставете го на топло место околу 10 минути, додека квасецот да се активира.
2️⃣ Месење на тестото
Во нараснатата смеса додајте го преостанатото брашно, солта и маслото. Замесете меко, еластично тесто кое не лепи, но останува нежно и воздушесто.
Тестото префрлете го на лесно набрашнета работна површина.
3️⃣ Обликување
Поделете го тестото на 2 еднакви дела. Секој дел развлекувајте го во правоаголен лист со приближна големина 36 × 50 см.
Листот поделете го на 12 еднакви триаголници – најпрво на 6 ленти, па секоја лента пресечете ја дијагонално.
Секој триаголник свиткајте го како кифличка, почнувајќи од поширокиот дел, при што врвот треба да остане одозгора.
Наредете ги обликуваните парчиња во тава премачкана со масло и лесно набрашнета или обложена со пекарска хартија. Покријте со крпа и оставете да стасуваат додека речиси целосно ја исполнат тавата.
4️⃣ Печење
Нараснатата погача премачкајте ја со смеса од жолчка и малку млеко.
Печете во претходно загреана рерна на 180°C, со вклучен долен грејач и вентилатор, околу 40 минути, или додека да добие убаво златна боја.
По потреба, по 30 минути покријте со алуминиумска фолија за рамномерно печење.
5️⃣ Ладење
По вадењето од рерна, оставете ја погачата кратко да се излади во тавата, а потоа внимателно извадете ја.
Послужете ја млака – тогаш е најмека и највкусна.
