Ролат од мелено месо со спанаќ и печурки
Овој вкусен ролат од мелено месо, исполнет со свеж спанаќ, ароматични печурки и топен кашкавал, е совршен избор за свечен ручек или вечера.
Комбинацијата од зачини и свежа салата го прави ова јадење неодоливо за сите љубители на добрата храна. Подгответе го со љубов и уживајте во богатите вкусови, пишува НМД. Еве што ви е потребно:
Потребни состојки
За ролатот:
– 1 кг мелено месо
– 2 јајца
– 1 главица кромид
– 2 чешниња лук
– 1 китка магдонос
– 1 лажичка сол
– Црн пипер по вкус
– 1 лажичка црвен пипер во прав
– 500 г свеж спанаќ
– 500 г печурки
– 200 г рендан кашкавал
– Масло (по потреба)
– НМД
За преливот:
– 3-4 лажици соја сос
– 2 лажици доматно пире
– 1 лажичка сенф
– 1 лажица мед
– НМД
За салатата:
– 2 помали краставици
– 2 домати
– 50 г ореви
– 2 чешниња лук
– 1 лажица мед
– 1 лажичка сол
– Црн пипер по вкус
– Маслиново масло (по потреба)
– НМД
Постапка
1. Во голем сад ставете го меленото месо. Додајте ги јајцата, ситно ренданиот кромид и ренданите чешниња лук.
Ситно исечкајте ја китката магдонос и додајте ја во смесата. Зачинете со сол, црн пипер и црвен пипер во прав. Мешајте со рака додека сите состојки се соединат рамномерно.
2. Распоредете ја смесата врз хартија за печење и со раце обликувајте правоаголна кора со еднаква дебелина.
3. Ситно исечкајте го спанаќот. Во тава загрејте малку масло и пропржете го спанаќот додека да омекне. Рамномерно распоредете го врз месната кора.
4. Ситно исечкајте ги печурките. Во тава загрејте малку масло, додајте ги печурките, посолете и пржете додека да испари течноста. Распоредете ги печурките врз спанаќот. Одозгора наросете го ренданиот кашкавал.
5. Со помош на хартијата за печење внимателно свиткајте ја смесата во ролат. Обликувајте со раце и затворете ги краевите за да не истекува филот. Префрлете го ролатот во алуминиумска фолија.
6. Во посебен сад измешајте ги соја сосот, доматното пире, сенфот и медот. Со оваа смеса премачкајте го ролатот, па целосно завиткајте го во фолијата.
7. Печете во загреана рерна на 180°C 60-80 минути.
8. За салатата, исечкајте ги краставиците и доматите на коцки. Во блендер измиксајте ги оревите, чешнињата лук, медот, солта и црниот пипер додека да се добие еднолична смеса.
Додајте малку маслиново масло и продолжете да миксате додека да добиете мазен прелив. Прелијте ја салатата и промешајте.
9. Отворете ја фолијата од горната страна на ролатот, повторно премачкајте го со преливот и вратете го во рерна. Печете уште 10 минути на 230°C додека да се формира убава коричка.
10. Оставете ролатот малку да се подизлади пред да го исечете и послужите со салатата.
Добар апетит! Постапката погледнете ја во видео прилогот ОВДЕ:
https://youtu.be/wAH_-XIWjxM?si=3gHqEguIQ7h-tZzB
