Брз и вкусен оброк со модри патлиџани и јајце
Овој рецепт за модри патлиџани со јајце е идеален за оние кои бараат едноставен, но неверојатно вкусен оброк што се подготвува за кратко време со минимална употреба на масло.
Со неколку основни состојки и практичен кулинарски трик, ќе добиете здрав и економичен оброк кој ќе ги воодушеви сите членови на семејството.
Модрите патлиџани, збогатени со аромата на лук и свеж магдонос, ќе станат ваше омилено јадење за секој ден, пишува НМД. Еве што ви е потребно:
Потребни состојки:
– 700 г модри патлиџани
– 1 јајце (или 2 ако се помали)
– 1 кромид
– 2 чешниња лук
– 1/3 лажичка сол (или по вкус)
– Малку мелен црн пипер
– Неколку гранчиња магдонос
– 2-3 лажици растително масло
– НМД
Постапка:
1. Исечете ги модрите патлиџани на коцки со големина од околу 2 см и ставете ги во длабок сад.
2. Во посебен сад, изматете едно јајце додека стане хомогено, па прелијте го врз модрите патлиџани. Промешајте добро со раце за секое парче да се премачка со јајцето. Оставете ги на страна неколку минути за да го впијат јајцето целосно.
3. Исечете го кромидот на тенки полукружни резанки.
4. Загрејте голема тава на висока температура и додајте 2-3 лажици растително масло. Пропржете го кромидот, мешајќи повремено, додека стане проѕирен и мек. Потоа, извадете го од тавата, оставајќи го маслото во неа.
5. Во истата тава, додајте ги модрите патлиџани и пржете ги на висока температура, повремено мешајќи, додека да добијат златна кора однадвор, а останат меки и сочни внатре.
6. Зачинете со сол и мелен црн пипер по вкус, па промешајте.
7. Исклучете го огнот и вратете го кромидот во тавата. Додајте ги чешнињата лук, исцедени низ преса, и ситно исечканиот магдонос. Промешајте добро за да се соединат вкусовите.
8. Пробајте го јадењето и, доколку е потребно, додајте уште сол, пипер или лук по ваш вкус.
9. Послужете го оброкот топол, како главно јадење или прилог.
Овој рецепт е одличен избор за брз, здрав и вкусен оброк што ќе го подготвувате повторно и повторно. Добар апетит! Постапката погледнете ја во видео прилогот ОВДЕ:
