Крцкава однадвор, мека однатре: Старинска пита со сирење што се топи во уста
Домашна пита со варени кори – крцкава однадвор, мека и сочна однатре
Постојат рецепти што веднаш потсетуваат на топол дом, мирисна кујна и вкус што долго се памети. Оваа домашна пита со варени кори е токму таков рецепт – едноставен, а неверојатно богат со вкус.
Без сукало и без комплицирани техники, корите се развлекуваат со раце, кратко се варат и се редат во слоеви што по печењето стануваат крцкави однадвор, а нежни и сочни однатре.
Овој начин на подготовка е вистински избор за сите што сакаат традиционални домашни рецепти, но и практични решенија за вкусен семеен појадок, ручек или вечера.
Благодарение на комбинацијата од путер, масло и сирење, секој залак е полн со богат вкус и совршена текстура, пишува НМД. Еве што ви е потребно:
Потребни состојки
За тестото:
* 4 јајца
* 2 лажици вода
* 1 лажица масло
* 3 чаши брашно
* малку сол
За премачкување и фил:
* 70 г путер
* 50 мл масло
* 250 г сирење, кашкавал или мешавина по желба
* НМД
Дополнително:
* вода за варење
* малку сол за водата
Постапка
Со жица или виљушка изматете ги јајцата со водата, маслото и малку сол. Постепено додајте го брашното и замесете средно тврдо и мазно тесто.
Оставете го тестото да одмори 5 минути, па повторно премесете го. Повторете ја постапката уште еднаш за тестото да стане еластично и лесно за развлекување.
Поделете го тестото на 8 еднакви делови и обликувајте топчиња. Секое топче лесно премачкајте го со масло, наредете ги во намастен сад и покријте ги за да не се сушат. Оставете ги да одморат околу 1 час.
Во меѓувреме, во големо тенџере сипете вода со малку сол и доведете ја до вриење. Во посебен сад растопете ги путерот и маслото.
Секое топче внимателно развлечете го со прстите и дланките на работна површина. Притискајте од средината кон краевите додека да добиете многу тенка кора.
Кората внимателно спуштете ја во зовриената вода и варете ја околу 30 секунди. Со решеткава лажица извадете ја и веднаш префрлете ја во ладна вода.
Потоа оставете ја на цедалка добро да се исцеди. Истата постапка повторете ја со сите кори.
Намастете тава. Редете ги корите растресито, со лесни набори. Секоја кора премачкувајте ја со мешавината од путер и масло.
По четвртата кора додајте го сирењето или кашкавалот. Потоа наредете ги преостанатите кори, повторно премачкувајќи ја секоја со маснотија.
Питата може да ја печете на два начина:
* во рерна на 180 степени додека убаво да зарумени
* или на рингла под капак, како во традиционалните домашни рецепти
Доколку ја печете на рингла, кога долната страна ќе зарумени, внимателно превртете ја и испечете ја и од другата страна. Користете средно умерен оган.
Бидејќи корите се веќе сварени, потребно е само кратко печење за да добијат крцкава текстура и златна боја.
Совети за совршена домашна пита
* За побогат вкус користете мешавина од сирење и кашкавал.
* Ако сакате подебела и посочна пита, користете помала тава.
* За дополнителна крцкавост, пред крајот на печењето премачкајте ја горната кора со малку путер.
* Оваа пита е одличен избор и за семеен појадок, празнична трпеза или викенд ручек.
* Постапката погледнете ја видео прилогот ОВДЕ:
