Ролувана пирамида пита со блитва и сирење. Оваа ролувана пита е совршен спој на едноставност, вкус и декоративен изглед, идеална за секоја пригода.
Подготвена со готови кори, таа е сочна, мека и лесна за подготовка, а може да се замрзне и да се испече кога ви е потребна.
Следете го овој рецепт за да ги воодушевите вашите гости со прекрасен вкус и атрактивна презентација, пишува НМД. Еве што ви е потребно:
ПОТРЕБНИ СОСТОЈКИ:
За тестото:
– 500 г готови кори за питав (16 кори)
За филот:
– 2 врзопа блитва (или спанаќ)
– 1 стрАк праз
– 2 јајца
– 150 г сирење (по избор, ситно или дробено)
– НМД
За премачкање:
– 2–3 јајца
– 4 полни лажици кисела павлака (или 180 г)
– 1 лажица дробено сирење
– 200 мл јогурт
– 100 мл масло
ПОСТАПКА:
1. Подготовка на филот:
– Исчистете и ситно исечкајте ја блитвата (или спанаќот) и празот. Празот е по избор, па доколку не го преферирате, може да го изоставите.
– Во сад, ставете ја блитвата и празот, додајте 1 лажичка сол и нежно измесете ги со раце за да омекнат.
– Додајте 2 јајца и 150 г дробено сирење. Добро измешајте за да се соедини филот.
2. Подготовка на смесата премачкање:
– Во друг сад, изматете 2–3 јајца. Додајте 4 полни лажици кисела павлака (или 180 г), 1 лажица дробено сирење, 200 мл јогурт и 100 мл масло. Измешајте додека смесата стане хомогена.
3. Формирање на ролатите:
– Загрејте ја рерната на 200°C.
– Земете една кора за пита и намачкајте ја со тенок слој од смесата за премачкање.
На почетокот од кората распределете дел од филот и внимателно завиткајте ја во ролат. Повторете го процесот за да направите вкупно 6 ролати.
Премачкајте 2 кори една врз друга, па на едниот крај наредете три ролати, премачкјате ги, па ставете 2 ролати, премачкајте и поставете го последниот ролат и премачкјате. Свиткајте сите заедно, така да добиете пирамидест ролат.
– Подгответе уште еден сет од 6 ролати на ист начин.
4. Редење на питата:
– Во намастен плех (или обложен со хартија за печење), ставете ги ролатите и премачкајте ги со смесата за премачкање.
5. Печење:
– Печете ја питата во загреана рерна на 200°C околу 30–40 минути или додека не добие златно-кафеава боја.
6. Сервирање:
– Откако питата ќе се испече, оставете ја кратко да се излади, па исечете ја на парчиња.
Сервирајте ја топла или на собна температура. Питата е мека, сочна и неверојатно вкусна, совршена за семејни собири или за импресионирање на гостите.
Оваа ролувана пита е брза за подготовка, а нејзиниот вкус и изглед ќе ги освојат сите. Пробајте ја и уживајте во секој залак! Постапката можете да ја погледнете во видео прилогот ОВДЕ:
