Старинскиот фризерски колач е еден од оние рецепти што се пренесуваат од генерација на генерација, а вкусот секогаш буди носталгија.
Иако името звучи необично, станува збор за исклучително сочен колач со ореви, кој многумина го опишуваат како баклава без кори.
Се подготвува лесно, со мерење „на лажица“, без комплицирани чекори и со состојки што секогаш се при рака – совршен избор и за секојдневна трпеза и за свечени пригоди, пишува НМД. Еве што ви е потребно:
Зошто сите зборуваат за фризерскиот колач? Рецепт што мора да го пробате
🟡 ПОТРЕБНИ СОСТОЈКИ
За колачот:
• 4 јајца
• 12 рамни лажици шеќер
• 1 ванилин шеќер
• 12 лажици масло
• 12 лажици млеко
• 12 рамни лажици гриз
• 12 лажици брашно
• 12 лажици мелени ореви
• 1 прашок за печиво
За преливот:
• 300 мл млеко
• 300 мл вода
• 10 рамни лажици шеќер
• 1 ванилин шеќер
За посипување:
• 100 г мелени ореви
Старински фризерски колач полн со ореви – исклучително сочен рецепт налик баклава без кори. Лесна подготовка, мерки на лажица и совршен вкус.
🟡 ПОСТАПКА
1. Во длабок сад ставете ги јајцата и додајте го шеќерот и ванилиниот шеќер. Матете со миксер додека да добиете светла, кремаста и пенеста смеса.
2. Сипете го маслото и млекото, па кратко промешајте со миксер.
3. Додајте ги гризот, брашното и мелените ореви. На крај додајте го и прашокот за пециво.
4. Најпрво промешајте со лажица, а потоа многу кратко со миксер, само додека да се изедначи смесата – тоа е клучно за колачот да остане мек и сочен.
5. Намастете плех со малку масло и наросете со брашно. Истурете ја смесата и израмнете ја.
6. Печете во претходно загреана рерна на 200 °C околу 40 минути. Доколку е потребно, намалете на 180 °C, во зависност од јачината на рерната. Проверете со чепкалка дали е печен однатре.
7. Испечениот колач оставете го да се олади околу 30 минути.
Подготовка на преливот:
8. Во тенџере ставете ги млекото, водата, шеќерот и ванилиниот шеќер. Загревајте на тивок оган додека да зоврие.
9. Топол прелив сипете врз млакиот колач. Лесно одвојте ги рабовите од плехот за рамномерно да го впие преливот.
10. Посипете со мелени ореви. По 10–15 минути колачот е подготвен за сечење и сервирање.
🟡 СОВЕТ ЗА СЕРВИРАЊЕ
Фризерскиот колач е подеднакво вкусен и топол и оладен. Совршено оди со кафе, чај или како домашен десерт за гости.
