Рецепт за лисната пита што секогаш успева – крцкава однадвор, мека однатре
Ако барате домашна лисната пита со совршени слоеви, ова е рецепт што ќе ве освои уште од првото печење.
Тестото е меко, еластично и благодарение на техниката на диплење создава богати, воздушести слоеви.
Резултатот е крцкава кора однадвор и нежна внатрешност, идеална за појадок, десерт или ужина. Со малку путер и капка мед одозгора, вкусот станува вистинско гурманско искуство, пишува НМД. Еве што ви е потребно:
🛒 Потребни состојки
За тестото:
* 400 мл вода
* 1 рамна лажичка сув квасец
* 1 лажичка шеќер
* 550–600 г брашно
* 1 лажичка сол
За премачкување:
* 150–200 г путер
* НМД
👩🍳 Постапка
1. Во длабоко тенџере или сад, сипете ја млаката вода, додајте го квасецот и шеќерот. Оставете неколку минути додека да се активира.
2. Постепено додајте го брашното и солта, па замесете меко тесто. Месете додека да стане мазно и еластично.
3. Поделете го тестото на 4 еднакви топчиња. Покријте ги и оставете да одморат околу 15 минути.
4. Секое топче развлечете го со оклагија во кора (не премногу тенка). Премачкајте со растопен путер, па диплете неколку пати во правоаголник, при што секоја нова површина премачкувајте ја со путер.
5. Продолжете со диплење како книга, додека да добиете компактна форма (коцка). Повторете ја постапката со сите топчиња.
6. Малку развлечете ја формата, повторно премачкајте со путер, па затворете ја како плик и оформете топче.
7. Наредете ги топчињата во плех обложен со хартија за печење. Премачкајте ги со путер и оставете да одморат најмалку 30 минути (по можност 1 час за полесно развлекување).
8. Со дланките нежно развлечете секое топче во кора со дијаметар околу 30–35 см.
9. Печете во претходно загреана рерна на 250°C околу 8–10 минути, потоа намалете на 180°C и печете уште 20 минути додека да добие златна боја.
10. Веднаш по печењето премачкајте со путер. По желба, додајте мед за дополнителна арома и сладост.
💡 Совети за совршен резултат
* Тестото треба да биде меко – тоа е клучно за слоевитоста
* Одморот на тестото е важен за лесно развлекување
* Путерот дава богат вкус и ја создава лиснатата структурата
* Контролирајте ја температурата за да добиете правилно надување
* Постапката погледнете ја во видео прилогот ОВДЕ:
