Бурек не ѝ е рамен! Исчезнува веднаш штом ја извадам од рерната! Крцкава, сочна пита со сирење!
Прекрасна пита со сирење што се топи во уста! Едноставна подготовка, малку состојки и совршен резултат – златно печена, мирисна и мека внатре.
Идеална за појадок, вечера или кога сакате нешто брзо и домашно. Верувајте, овој рецепт ќе ви стане омилен! Топла препорака од вашата Аурора, пишува НМД. Еве што ви е потребно:
Потребни состојки:
1 пакување кори за пити (за баклава, тенки)
За филот:
500 g ситно сирење
1 кафена лажичка сол (само ако сирењето е несолено)
1 кесичка прашок за печиво (14 g)
250 ml јогурт (или кисело млеко)
4 јајца
НМД
За премачкување на корите:
130 ml масло
130 ml млеко
Дополнително:
сусам за посипување
Постапка:
1. Подгответе го филот: Во подлабок сад ставете го ситното сирење. Ако е несолено, додајте една полна кафена лажичка сол.
Додајте ги четирите јајца, прашокот за печиво и јогуртот (или киселото млеко). Сè убаво измешајте со лажица додека да се соедини во хомогена смеса. Оставете го настрана.
2. Подгответе го преливот: Во чаша измешајте 130 ml масло и 130 ml млеко. Овој прелив ќе ги направи корите помеки и побогати отколку со обична газирана вода.
3. Составување на питата: Земете три кори. Првата поставете ја по должина во плех обложен со хартија за печење. Премачкајте ја со преливот.
Преклопете ја втората кора и повторно премачкајте. Истото направете и со третата кора. По третата премачкана кора, рамномерно распоредете дел од филот по целата површина. Свиткајте ролат.
4. Повторете го процесот: Три кори, секоја премачкана со прелив, па повторно фил и свиткајте ролат. Продолжете додека да ги потрошите сите кори и филот.
Наредете ги во плех обложен со хартија и одозгора премачкјате со остатокот од преливот.
5. Печење: Посипете сусам по врвот. Печете во загреана рерна на 180°C околу 30–35 минути, додека питата добие убава златно-жолта боја и не стане крцкава однадвор.
6. Сервирање: Извадете ја од рерната и веднаш исечете ја на парчиња. Оставете ја откриена за да остане крцкава. Внатре ќе биде воздушна, полна со фил и извонредно сочна. Послужете ја топла, идеално со чаша јогурт или кисело млеко.
Оваа пита е вистински брз домашен деликатес – едноставен, но неодоливо вкусен. Пробајте го и ќе видите зошто исчезнува за миг! Постапката погледнете ја во видео прилогот ОВДЕ:
