Ова е рецепт “на чаша” – за повеќето намирници количината ја одредувате “мерејќи” со чаша со 200 мл.
Потребни состојки:
3 јајца
½ чаша шеќер
1 чаша пченичен гриз
½ чаша масло
½ чаша млеко
1 прашок за печиво
4 рендани јаболка
1 чаша мелени ореви или лешници
За глазура:
100 г чоколадо за готвење
3 лажици масло
Постапка:
Се матат јајцата со шеќерот додека да станат пенасти. Потоа постепено се додаваат останатите состојки. На крај со лажица со домешуваат мелените ореви и ренданите јаболка.
Се пече во намастен и набрашнет плех на 180 степени околу 25-30 минути.
Печениот колач се прелива со чоколадна глазура, а потоа се остава глазурата да се стегне и излади.
Колачот може да се послужи и топол.