Нешто вкусно а едноставно
Потребни состојки:
2 јајца
200 г шеќер
200 мл масло
200 мл млеко
200 г мелени ореви
200 г гриз
200 г брашно
2 рендани јаболка
1 прашок за печиво
1 ванилин шеќер
50 г џем од кајсии
50 г сечкани ореви
Постапка:
Во одговарачки сад пенесто изматете јајца, шеќер и ванилин шеќер. Додадете масло, млеко, ореви, гриз и брашно кое сте го измешале со прашок за печиво.
На крај додадете ги изренданите јаболка, па смесата излејте ја во намастен и набрашнет плех (20х35 см).
Печете на 190 степени до 35 минути.
Печениот колач премачкајте го со џем од кајсии и наросете со сечкани ореви.
Колачот исечете го на коцки и наредете на чинија која претходно сте ја наросиле со шеќер и цимет во прав.
