Бурек со сирење како од пекарница – готов за 10 минути
Доколку барате брз бурек со сирење, кој изгледа како од пекарница, а се подготвува дома за само неколку минути – ова е вистинскиот рецепт.
Со едноставни состојки и паметна техника на редење кори, ќе добиете крцкав домашен бурек со богат вкус и идеална текстура.
Овој рецепт е одличен избор за појадок, вечера или кога сакате брзо и економично решение со максимален вкус, пишува НМД. Еве што ви е потребно:
📝 Потребни состојки:
За бурекот:
* 500 г кори за пита
* 250 г дробено сирење
* 100 г фета сирење (или дополнително дробено сирење)
* 2 јајца
За премачкување:
* 150 мл газирана вода
* 150 мл масло
* НМД
👩🍳 Постапка:
1. Во длабок сад измешајте ги дробеното сирење, фета сирењето и јајцата додека да добиете хомоген фил.
2. Во посебен сад измешајте ги маслото и газираната вода.
3. Намастете ја тепсијата со дел од течноста.
Ставете ја првата кора така што половина ќе биде внатре, а остатокот да виси надвор од тепсијата. Истото направете го и со втората кора. Премачкајте со течноста.
4. Третата и четвртата кора поставете ги на спротивните страни (како крст), па повторно премачкајте.
5. Земете нова кора, нежно згужвајте ја во рацете додека да стане воздушеста и растресита, па ставете ја во средината. Повторете ја постапката со уште неколку кори додека да се покрие дното.
Потоа обилно премачкајте со течноста.
6. Рамномерно распоредете го филот.
7. Преостанатите кори повторно згужвајте ги и редете ги одозгора, притоа секоја кора премачкувајте ја.
8. Преклопете ги корите што висат надвор и внимателно потпикнете ги однатре, како да местите чаршав. Секоја кора премачкајте ја со течноста.
9. На крај, сипете ја целата преостаната течност.
10. Печете во загреана рерна на 200°C околу 30–35 минути, додека да добие златно-кафеава боја и крцкава кора.
11. Откако ќе се испече, превртете го бурекот наопаку, оставете кратко да одмори, па исечете и послужете.
💡 Совети за совршен резултат
* За поинтензивен вкус, комбинирајте различни видови сирење.
* Доколку сакате поздравa варијанта, користете масло со неутрален вкус или делумно заменете со јогурт.
* Овој рецепт е идеален и за економично готвење и планирање оброци.
* Постапката погледнете ја во видео прилогот ОВДЕ:
https://www.youtube.com/watch?v=SiseJB9vE8k
