Најмека пита од готови кори за 10 минути
Овој рецепт за пита од готови кори е совршен избор за оние кои сакаат брзо, а вкусно јадење.
Со минимален напор и неколку едноставни состојки, ќе подготвите мека и сочна пита што ќе ги воодушеви сите. Идеална е за појадок, ужина или лесна вечера, пишува НМД. Еве што ви е потребно:
Потребни состојки:
– 500 г готови кори за пита
– 200–400 г ситно сирење
– 3 јајца
– 180 мл јогурт
– 150 мл масло
– 180 мл вода
– 1 лажичка сол
– НМД
Постапка:
1. Во длабок сад ставете ги јајцата, солта, јогуртот, водата и маслото. Измешајте ги добро со маталка или виљушка додека смесата стане хомогена.
2. Готовите кори исечете ги на ленти со ширина од околу 1 см.
3. Поделете ги исечените кори на два еднакви дела.
4. Во плех обложен со хартија за печење рамномерно распоредете го првиот дел од исечените кори.
5. Врз корите рамномерно распоредете го ситното сирење.
6. Потоа, ставете го вториот дел од исечените кори преку сирењето.
7. Прелијте ја питата со подготвената смеса од јајца, јогурт, масло и вода, внимавајќи течноста да се распореди рамномерно.
8. Печете ја питата во загреана рерна на 180°C околу 40 минути или додека да добие златнокафеава боја.
Послужете ја питата топла или на собна температура, по желба со кисело млеко или јогурт. Добар апетит! Постапката погледнете ја во видео прилогот ОВДЕ:
