Пита со сирење – едноставен и вкусен домашен рецепт
Пита со сирење е традиционално јадење што освојува со својата едноставност и богат вкус.
Овој рецепт е идеален за оние кои сакаат брзо да подготват вкусен оброк без потреба од кори или развлекување тесто.
Совршено се комбинира со салата од домати, кисело млеко или ајвар, што го прави омилен избор за секоја прилика.
Подгответе ја оваа мека и воздушеста пита и уживајте во нејзината лесна подготовка и неодолив вкус, пишува НМД. Еве што ви е потребно:
Потребни состојки:
– 400 г брашно
– 200 мл млеко
– 200 мл вода
– 7 г сув квасец
– 5 г сол
– 10 г шеќер
– 4 јајца
– 80 мл масло
– 300 г кравјо сирење (или овчо, козјо по желба)
– 20 г путер (или маргарин)
– НМД
Постапка:
1. Во сад измешајте ги топлото млеко, топлата вода, шеќерот и сувиот квасец. Постепено додавајте го брашното, мешајќи со лажица додека да се формира компактно тесто без грутчиња.
Покријте го садот со чиста крпа и оставете го тестото да отстои 20 минути за да ферментира.
2. Во ферментираното, влажно и лепливо тесто додајте ги маслото, солта и јајцата, кои претходно треба да бидат на собна температура. Мешајте енергично со лажица, рака, маталка или миксер додека да се соединат сите состојки.
3. Во добиеното полутечно тесто додајте го ситно издробеното сирење и внимателно измешајте за да се распореди рамномерно.
4. Подгответе плех со димензии 20х30 см, намачкајте го со малку масло и посипете го со тенок слој брашно. Истурете ја смесата во плехот и рамномерно распоредете ја. Лесно протресете го плехот за да се изедначи површината.
5. Одозгора распоредете тенки парчиња путер или маргарин.
6. Печете во претходно загреана рерна на 200 °C, 25-30 минути, или додека да се добие златнокафена боја.
7. Откако ќе се испече, оставете ја питата малку да се излади пред да ја исечете и послужите. Уживајте во нејзиниот мек и богат вкус! Постапката погледнете ја во видео прилогот ОВДЕ:
