Ванилици во посна варијанта со пиво и масло, многу вкусни

Овие ванилици се неибежни во време на пост, превкусни се.

Потребни состојки:

2 шолји масло (околу 500 мл)
1 шоличка пиво (околу 50 мл)
2 шолји шеќер во прав (околу 300 г)
2 шолји брашно (околу 200 г)
½ прашок за печиво
2 ванилин шеќер
џем од кајсии или шипки
шеќер во прав – ванилин шеќер за валкање на ванилиците

Постапка:

Во подлабок сад ставете го маслото, пивото, шеќерот во прав, ванилата и брашното помешано со прашок за печиво, па со миксер (со продолжетоци за тесто) измесете тесто додека да се добие компактна топка која не се лепи на раце.

Брашното додавајте го постепено и не претерувајте со него. Ако ставите повеќе брашно и добиете суво тесто, тогаш додадете уште малку пиво. А ако тестото е премногу меко, тогаш додадете уште брашно.

Топката од брашно покријте ја со проѕирна фолија и оставете ја во фрижидер да се лади околу еден час.

Потоа извадете го тестото на набрашнета работна површина и со оклагија развлечете тесто со дебелина од половина центиметар.

Вадете ги ванилиците со модла или со метално капаче од шише ако сакате помали ванилици.

Наредете ги ванилиците на плех обложен со хартија за печење и ставете ги во загреана рерна на 180 степени. Печете ги околу 15 минути, но внимавајте да не ви се препечат, бидејќи треба да останат бели.

Печените ванилици извадете ги во чинија. Спојувајте ги по две со цем, а потоа валкајте ги во шеќер во прав помешан со ванилин шеќер.

Loading...