ПЛАЗМА КОЛАЧ: Какао бисквит натопен со млеко и кремаст густ фил, идеален викенд десерт, не е многу сладок

Фин, нежен, кремаст колач со плазма кекси. Какао бисквит натопен со млеко и фил од плазма кекси кој има свој, единствен вкус кој сите го препознаваме. Идеален колач за викенд, не е многу сладок и лесно се приготвува. Еве што е потребно:




ПОТРЕБНИ СОСТОЈКИ: 4 јајца, 4 лажици шеќер, 50 мл масло, 3 лажици меко брашно, 2 лажици какао, 5 г прашок за печиво (1/2 кесичка), 150 мл ладно млеко. ЗА ФИЛ: 90 г шлаг (2 кесички), 200 мл ладно млеко, 700 г кисела павлака, 200 г шеќер во прав, 400 г мелени плазма кекси. И УШТЕ: шлаг крем од чоколадо и околу 150 мл млеко




ПОСТАПКА: Вклучете ја рерната да се загрее на 200 степени. Одвојте ги белките и жолчките во посебни садови. Пенасто изматете ги белките со миксер, па започнете постепено да го додавате шеќерот со непрекинато матење додека тој да се растопи и да се добие цврст снег.




Во снегот од белки започнете да додавате една по една жолчка, а потоа и маслото во тенок млаз додека сè уште матите. На крај додајте го брашното помешано со какао и прашок за печиво, најдобро просеано, па полека промешајте додека смесата да се изедначи без грутчиња, а сепак да остане пенлива.




Намастете плех 30х20 см или со приближни димензии и наросете го со брашно, а вишокот истресете го. Излејте го тестото за бисквит, рамномерно распоредете го и израмнете. Ставете да се пече во загреана рерна и веднаш намалете на 180 степени.




Бисквитот печете го 20 минути. Кога е печен (проверете со чепкалка) извадете го од рерна, оставете да се подизлади 5-10 минути, па прелијте го со 150 мл ладно млеко. Значи, топол бисквит (не врел) со ладно млеко. Оставете да се впие и да се олади.




ЗА ФИЛ: Изматете го шлагот со ладно млеко од фрижидер. Посебно изматете ја киселата павлака со шеќерот во прав додека да се добие мазна, кремаста структура. Во киселата павлака додајте го шлагот и повторно изматете.




Најпосле додајте ја мелената плазма, па убаво измешајте додека да се изедначи смесата. Нанесете го целиот фил врз кората од плехот, рамномерно распоредете и израмнете. Изматете го шлаг кремот со млекото, па и него премачкјате го преку филот.




Декорацијата завршете ја по желба, но не мора ништо да се додава. Оставете да се олади во фрижидер најмалку 2-3 часа, па послужете го. Деталите од целата постапка можете да ги погледнете во видеото ОВДЕ.

Претходна статијаБРЗ РЕЦЕПТ ЗА ВЕЧЕРА: Ролнички со сирење, меки како памук, трипати ги направив за три дена
Следна статијаВчера ги правев солени, а денес БЛАГИ: со прекрасен ванилин фил на средина и меко тесто