ЛЕДЕНИ КОЦКИ…Кремаст колач од состојки кои имате в кујна…Се топи во уста…Многу вкусни кремасти коцки со јајца. Еве што ви е потребно:
Потребни состојки:
7 белки
7 лажици шеќер во прав
7 лажици брашно
1 прстофат сол
120 мл млако млеко
ФИЛ 1
7 жолчки
7 лажици шеќер
5 лажици густин (скробно брашно)
750 мл млеко
250 г маргарин или путер
ФИЛ 2
2 кесички шлаг пена
250 мл млеко
Постапка:
Белките со прстофат сол изматете ги во цврст снег. Во снегот од белки постепено додавајте шеќер и матете додека да се растопи. Потоа додајте го брашното и бавно промешајте со лажица за да остане смесата пенлива.
Потоа рамномерно распоредете ја во калап (24х24 см) обложен со хартија. Печете ја кората во претходно загреана рерна на 170-180 степени околу 10 минути.
Печената кора уште додека е топла прелијте ја со топло млеко и оставете убаво да го впие и излади.
Од жолчките, шеќерот, пудингот и млекото сварете крем: најпрво изматете ги жолчките со шеќерот, додајте малку млеко и густин, па разматете да нема грутчиња.
Остатокот ставете да зоврие, па намалете ја температурата и со непрекинато мешање сипете ја смесата и варете додека да згусне.
Кремот е многу нежен, па затоа гответе го на многу тивка температура или на пареа, внимавајќи да не ви загори и оставете го да се олади на собна температура.
Потоа додајте путер исечен на ленти, па со миксер добро изматете за да се соединат и да добиете мазен крем.
Кремот нанесете го врз изладената кора. На крај изматете шлаг и премачкајте го одозгора колачот. Пред послужување колачот добро изладете го, најдобро е да се остави во фрижидер преку ноќ.
