Колач со јогурт и мак кој е неверојатно сочен – само неколку состојки се добива превкусен колач!

Колачот со јогурт во комбинација со мак се приготвува многу брзо и многу едноставно, а за сите домаќинки тоа е многу важно. Иако е доста евтин колачот има совршен вкус.

Потребни состојки: 2 чашки јогурт, 2 чаши брашно, 1 чаша шеќер, 1 чаша гриз, 100 г мак, ½ чаша масло, 1 ванилин шеќер и 1 прашок за печиво. За прелевање: чоколадна глазура

Постапка: Во еден сад ставете јогурт, па додадете ги сите наведени состојки, лесно и добро измешајте па истурете во тркалезен калап (28 см) кој претходно сте го намастиле и набрашниле, а можете и да го обложите со хартија за печење.

Протресете за да се изедначи смесата во калапот и да излезат евентуалните меурчиња. Ставете да се пече на 180 степени околу 40 минути додека да зарумени и да се одвои од ѕидовите на калапот.

Врелиот колач прелијте го со чоколадна глазура и оставете целосно да излади, па дури потоа исечете го на коцки или дебели правоаголници. Напомена: чашите од јогурт не ги преполнувајте со брашно и гриз до врв, туку само до венчето, а ако ви се чини дека е многу густо, додадете уште малку млеко.

Loading...