Фото и рецепт: Иванка Цизмиќ
Стар рецепт за превкусен колач. Многу едноставно се приготвува, па затоа често го правиме.
Потребни состојки:
6 белки
200 г шеќер
3 лажици брашно
200 г мелени ореви
За фил:
6 жолчки
200 г шеќер
100 г чоколадо
125 г путер
за декорација: мелени ореви и бадемови снегулки
Постапка:
1.Пенасто изматете 6 белки, па постепено додавајте 200 г шеќер. Матете со миксерот додека да добиете цврст и сјаен снег од белки.
2.Со лажица внимателно додајте ги брашното и мелените ореви. Промешајте полека за да остане смесата воздушеста. Рамномерно распоредете ја на плех обложен со хартија и ставете да се пече во загреана рерна на 180 степени.
3.За фил: изматете 6 жолчки, па постепено додајте 200 г шеќер. Матете додека смесата да побели и згусне, а потоа кремот сварете го на пареа (10-тина минути мешајте непрекинато додека садот сте го поставиле врз друг сад во кој врие вода).
4.Во топлиот крем додајте чоколадо искршено на коцки и путер исечкан на листови. Матете додека да се изедначи. Оставете настрана да излади.
5.Испечената и изладена кора премачкајте ја со изладениот крем, а одозгора посипете мелени ореви и бадеми. Сечете на штангли и уживајте во вкусот.
Фото и рецепт: Иванка Цизмиќ
