Брз домашен колач со џем – мек и сочен рецепт што секој успева
Доколку барате брз десерт што не бара сложени техники, овој домашен колач со џем е вистински избор.
Со едноставни состојки кои најчесто веќе ги имате дома, добивате мек и сочен резултат кој одговара и за појадок и за попладневно кафе.
Ваквите практични рецепти се особено популарни кај оние што сакаат економични решенија во кујната, без компромис во вкусот и квалитетот, пишува НМД. Еве што ви е потребно:
🛒 Потребни состојки:
• 2 јајца
• 100 г шеќер
• 90 мл масло
• 200 мл млеко
• 125 г цврст јогурт (или кисела павлака)
• 250 г брашно
• 15 г прашок за печиво
• 1 лажица сок од лимон
• 100 г џем од шумско овошје
• шеќер во прав (за наросување)
• НМД
👩🍳 Постапка:
Во длабок сад, изматете ги јајцата со шеќерот со жица, додека да се соединат и добијат светла структура.
Додајте го маслото и измешајте, па сипете го млекото и додајте го цврстиот јогурт (или киселата павлака). Мешајте додека да добиете изедначена смеса.
Просејте го брашното заедно со прашокот за печиво, па постепено додајте ги во смесата. Мешајте додека да добиете мазно тесто без грутки.
Половина од смесата сипете ја во калап обложен со хартија за печење.
Одозгора додајте џем, распоредувајќи го со лажица во неправилни линии за да добиете шарена текстура.
Сипете го остатокот од тестото, па повторно додајте џем, овојпат во паралелни линии за поубав визуелен ефект.
Печете во загреана рерна на 180°C околу 40–45 минути, додека да добие златна боја.
Откако ќе се излади, наросете со шеќер во прав и послужете.
💡 Совети
• За уште подобар вкус, користете квалитетен домашен џем
• Може да експериментирате со различни вкусови (кајсија, јагода, малина)
• Калап со нелеплива површина или хартија за печење значително го олеснува процесот
• Постапката погледнете ја во видео прилогот ОВДЕ:
