Колачот или баклавата, како сакате наречете го, многу е вкусен, а како нема да биде, кога според состојките е ист на нашата раванија.
Потребни состојки: 4 јајца, 150 г шеќер, 1 ванилин шеќер, 250 г гриз, 200 г мелени ореви, 50 г сечкани ореви, 1 чаша кисело млеко (180 г) и 1 прашок за печиво. За шербет: 500 г шеќер, 2 чаши вода (400 мл)
Постапка: Јајцата пенасто изматете ги со миксер, а 150 грама шеќер постепено додавајте додека миксате. Додадете ванилин шеќер и прашок за печиво, па продолжете со миксење.
Потоа додадете го киселото млеко, 250 г гриз и убаво со лажица промешајте да се изедначат состојките. Потоа додадете ги оревите и уште еднаш промешајте за да се измешаат рамномерно.
Смесата излејте ја во тркалезна тепсија претходно малку намастена и ставете да се пече 20-25 минути на 200 степени. За шербет: 500 г шеќер со 2 чаши вода ставете на оган и мешајте додека да се растопи шеќерот и да се добие сируп. Додадете и неколку трклаца лимон.
Печениот колач избоцкајте го со чепкалка и исечете го на ромбови. Ладниот колач прелијте го со врел шербет и оставете да се впие. Уживајте! Сите детали околу постапката можете да ги погледнете во видеото ОВДЕ.
