Салата што освојува: тиквички, сирење и ореви во совршен баланс
🥒 КРЕМАСТА САЛАТА СО ТИКВИЧКИ ОД РЕРНА – ЛЕСЕН И ЗДРАВ НАМАЗ СО ЈОГУРТ И ОРЕВИ
Ако барате лесна, освежителна и хранлива идеја за појадок или вечера, оваа салата со тиквички е вистински избор.
Подготвена без пржење, со минимална количина маснотии и со природни состојки, таа е одлична опција за балансирана исхрана.
Комбинацијата од печени тиквички, јајца, сирење и јогурт создава богат вкус, додека оревите и лукот додаваат дополнителна арома и нутритивна вредност.
Овој тип на рецепти се особено популарни кај оние што бараат здрави намази, брзи рецепти без пржење, лесни вечери и нутритивно избалансирани оброци, пишува НМД.
🛒 Потребни состојки:
3 тиквички
2 јајца (сварени)
150 г сирење (солено)
2 лажици цврст јогурт (може и кисела павлака)
2 чешниња лук
1 рака ореви (ситно сечкани)
1 врзоп свеж копар
по вкус црн пипер
по вкус сол
2-3 лажици маслиново масло
1 лажичка црвен пипер
сок од ½ лимон
по желба лут пипер во снегулки
леб за сервирање (потпечен)
👩🍳 Постапка:
Измијте ги тиквичките, исечете ги на кругови, посолете ги и оставете ги да отстојат додека да ја пуштат водата.
Наредете ги во тава обложена со хартија за печење, сипете малку маслиново масло и печете во загреана рерна додека да омекнат и благо да заруменат. Оставете да се изладат.
Во сад изрендајте ги сварените јајца и сирењето.
Додајте ситно сечкан лук, копар и ореви, па сипете го јогуртот и зачинете со црн пипер.
Додајте ги изладените тиквички (може и да ги испасирате, но подобро е да останат на парчиња за текстура).
Измешајте добро додека да добиете кремаста, но структурирана смеса. Можете да вадите топчиња или да ја послужите во соодветен сад.
Во мало тавче загрејте маслиново масло, додајте црвен пипер и тргнете од оган. Додајте сок од лимон.
Прелијте го дресингот врз салатата или на дното од садот.
Посипете со лут пипер по желба и сервирајте со потпечено лепче или фурнаринки.
💡 Совети и варијации:
-За уште полесна верзија, користете нискомаслен јогурт.
-Доколку сакате поинтензивен вкус, додајте малку сув босилек или суво оригано.
-Одлично се комбинира со интегрален леб, фурнаринки или крекери – практично решение за брз оброк дома или на работа.
