Намаз од варени јајца и кисели краставички – брз рецепт што ќе го правите постојано
Овој богат и кремаст намаз од варени јајца е идеален начин да ги искористите последните велигденски јајца.
Комбинацијата со кисели краставички, печени пиперки и сирење создава балансиран вкус – солен, киселкаст и лесно пикантен. Совршен е како појадок, мезе или брз оброк со препечен леб.
👉 Ова е еден од оние рецепти што не бара скапи намирници, а дава гурмански резултат – одличен избор за семејни оброци и паметно планирање на кујнскиот буџет, пишува НМД. Еве што ви е потребно според рецептот на Миланка Славова:
🛒 Потребни состојки:
• 3 варени јајца
• 3 кисели краставички
• 2 печени црвени пиперки
• 1–2 чешниња лук
• 80–100 г сирење (по вкус)
• 2–3 супени лажици маринада од кисели краставички
• 1 супена лажица сенф
• 2–3 супени лажици маслиново масло
• црн пипер по вкус
• лут пипер (сув или во снегулки) по вкус
• сол по потреба
• НМД
👩🍳 Постапка:
1. Јајцата, киселите краставички и печените пиперки исечкајте ги на помали парчиња за полесно блендирање.
2. Ставете ги во блендер или сад за рачен блендер, додајте го лукот и сирењето.
3. Сипете ја маринадата од краставичките и додајте сенф.
4. Блендирајте додека да добиете мазен и кремаст намаз.
5. Додајте маслиново масло постепено, додека да се добие посакуваната текстура.
6. Зачинете со црн пипер, лут пипер и по потреба сол.
7. Пробајте и прилагодете го вкусот – по желба додајте уште малку сенф или маринада за поизразена арома.
💡 Совети и варијации:
• За побогат вкус, додајте малку цврст јогурт (или кисела павлака).
• Ако сакате полесна верзија, намалете го маслото и додајте повеќе пиперка.
• Одлично се комбинира со интегрален леб или домашни крекери.
