Брз колач со мак
Овој брз колач со мак претставува совршен избор за секојдневна наслада – едноставен за подготовка, со достапни состојки и обилно количество што овозможува да уживате во него неколку дена.
Идеален е за викенд со семејството, но и за носење на работа или во училиште во текот на неделата, пишува НМД. Еве што ви е потребно:
Потребни состојки:
– 3 јајца
– 200 грама шеќер
– 2 кесички ванилин шеќер
– 150 мл масло
– 200 мл ладно млеко
– 150 грама брашно
– 6-7 грама прашок за печиво (половина кесичка)
– прстофат сол
– 150 грама мелен мак (афионово семе)
– сок од два портокали или три мандарини
– 100 грама мармалад (најдобро од кајсии, но може и од вишни или друг)
– 1 голема лажица рум (по избор) или безалкохолна арома од рум
– НМД
– 100 грама путер
– 200 грама темно чоколадо
Постапка:
Прво, во сад измешајте ги јајцата, шеќерот и ванилиниот шеќер, па миксирајте ги во пена неколку минути, рачно или со електричен миксер.
Потоа додајте го маслото и ладното млеко и промешајте за да се соединат влажните состојки.
Во посебен сад измешајте го брашното, прашокот за печиво и солта, па додајте ги во влажната смеса и кратко промешајте. На крај додајте го мелениот мак и добро измешајте сè.
Добиената смеса сипете ја во правоаголен калап со димензии 35×20 cm, кој претходно намастен и набрашнет.
Печете го колачот во средината на претходно загреана рерна на 170°C со вклучени горен и долен грејач, не подолго од 40 минути.
Врелиот колач може да го превртите (по избор), за да се изедначи горната површина и да биде подобра за глазурата.
Во тенџере ставете го сокот од портокали или мандарини, мармаладот и по избор румот. Мешајте на средно силен оган 4-5 минути, па веднаш премачкајте го врз врелиот колач.
На пареа стопете го путерот со темното чоколадо, па прелијте ја глазурата преку колачот. Оставете го колачот 20 минути на собна температура, а потоа ставете го во фрижидер.
Кога чоколадната глазура ќе се стврдне (по околу 20 минути во фрижидер), колачот е подготвен за сечење.
За да не пукне глазурата, прво со остар нож направете плиток рез само низ глазурата, а потоа по истиот рез исечете го колачот до крај во сакани форми. Постапката погледнете ја во видео прилогот ОВДЕ:
