Вишњовача: ликер од вишни по рецептот на баба ми

За сите вас кои го сакате овој супер ликер, еве рецепт… Има два рецепти: со 3 кг и со 0,5 кг, а вие одберете си по вкус и по количина кој најмногу ви одговара.

спремни за зима 🙂

Потребни состојки:

3 кг вишни
2 кг шеќер
1 литар добра ракија (лозова)

Постапка:

Вишните добро измијте ги и исцедете ги. Во тегли од 5 литри редете ги вишните, шеќерот и залијте ги со ракија. Целата оваа количина ја собира во две вакви тегли.
Оставете на сонце 40 дена, со секојдневно мешање за да се растопи шеќерот.

ликер од вишни

После 40 дена процедете (и не мора) и складирајте во стаклени шишиња. Не сум мерела точно, но излегува околу 3-4 литри.

Потребни состојки:

500 г вишни
500 г шеќер
1 литар домашна ракија

Постапка:

Во стаклена тегла редете ред вишни, ред шеќер додека има состојки.
Потоа прелијте со ракија и добро затворете.
Оставете ги теглите на сонце 40 дена, протресете неколку пати за да се растопи шеќерот.
Потоа се складира во шишиња и се пие разладено.

ликер од вишни

Една чашка на ден е доволна, а од две, три… ќе пеете цела ноќ : – )

За оние што прават првпат: семките не се вадат, само вишните треба да бидат здрави, да нема скапани меѓу нив. Потоа може да се користат за Шварцвалд торта, за чоколадни пралини со вишни, шери чоколатца… А ако изедете неколку вишни, ќе бидете весели цел ден…. : – ) Многу се силни, впиваат доста алкохол.

ликер од вишни

Вишните може да ги оставите во ракијата и да не ги процедувате.
Исто така, овој ликер може да се приготви и од смрзнати вишни.

ликер од вишни

Еве уште една идеја кога веќе пишуваме за ликери: Земете една голема тегла од 5 или повеќе литри, па започнете во неа да редите сезонско овошје, ред овошје, ред шеќер, ред ракија и ред рум.

ликер од вишни ликер од ореви

Важно е секогаш да има прст ракија над овошјето.
И како излегува ново овошје вие така дополнувајте го. Вака ќе добиете ликер од разно овошје кое може да се користи и за пиење и за разни колачи.

ликер од вишни

ВАШИ КОМЕНТАРИ:

Коментар на Тони Секуловски: “A ima uste mnogu poubava i pogusta i prav liker 1kg vishni izvadeni semki 1kg med zatvoreni ubavo vo staklena tegla 40dena na sonce so povremeno meshanje i 1.5 l rakija posle 40dena se promesuva i spremno za pienje.Napomena rakijata se stava posle 40dena”