Фото и рецепт: Славица Георге

Потребни состојки:

10 пиперки

1 печена лута пиперка

2 црвени домати

5 гранчиња магдонос

5-6 чешниња лук

Масло по потреба, сол

Постапка:

Пиперките убаво измијте ги, избришете ги па испечете ги.

Во сад за толчење ставете го лукот, посолете и истолчете го.

Печените пиперки исечкајте ги на парчиња, а потоа додадете ги во садот со лукот. Заедно истолчете ги.

Доматите измијте ги, излупете ги по желба, па исечкајте ги, па и нив лесно истолчете ги. Додадете ги во садот.

Додадете сечкан магдонос, измешајте. Додадете сол по вкус и масло кое може да биде ладно или загреано.